Ժամանակը Երևանում՝ 11:07:36,   31 Հուլիս

Ավելի լավ իմացություն՝ արդյունավետ կանխարգելման համար. թմրամիջոցների ապօրինի շրջանառության դեմ պայքարին նվիրված գիտաժողով

Ավելի լավ իմացություն՝ արդյունավետ կանխարգելման համար. թմրամիջոցների 
ապօրինի շրջանառության դեմ պայքարին նվիրված գիտաժողով

ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: Թմրամիջոցների չարաշահման և ապօրինի շրջանառության դեմ պայքարի միջազգային օրվան ընդառաջ տեղի ունեցավ «Ավելի շատ իմացություն` ավելի արդյունավետ կանխարգելման համար» խորագրով գիտաժողովը: «Արմենպրես»-ի հետ զրույցում «Մենք թմրանյութերի դեմ» ՀԿ ծրագրերի ղեկավար Կարոլինա Սահակյանը նշեց, որ ծրագրի նպատակն է մեկ հարկի տակ համախմբել ոլորտի մասնագետներին: «Մենք այս գիտաժողովի ընթացքում պետք է կարողանանք վերհանել բոլոր այն խնդիրները, որոնք առկա են ոլորտում: Պետք է նաև արդյունավետ լուծումներ գտնենք կանխարգելման համար և մշակենք արդյունավետ ծրագրեր»,- նշեց Սահակյանը:

ՀՀ առողջապահության նախարարության «Կախվածությունների բուժման ազգային կենտրոն»-ի տնօրեն Սուրեն Նազինյանը մեր թղթակցին ասաց, որ շատ է կարևորում նման միջոցառումները: «Այստեղ են ոլորտի հետ առնչություն ունեցող տարբեր մասնագետներ՝ հոգեբաններ, ներկայացուցիչներ Ոստիկանության համապատասխան ստորաբաժանումներից, Աշխատանքի և սոցիալական հարցերի նախարարությունից և այլ կազմակերպություններից: Նման միջոցառումները հնարավորություն են ստեղծում գերատեսչությունների և ՀԿ-ների միջև փոխգործակցային նոր մոդելների ներդրման համար»,- նշեց Նազինյանը:

Գիտաժողովին զեկուցումներով հանդես եկան տարբեր գերատեսչությունների, կազմակերպությունների և կենտրոնների 20-ից ավելի աշխատակիցներ և ոլորտի առաջատար մասնագետներ, հոգեբաններ:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]