Եվրո-2020. Շվեդիան և Իսպանիան դուրս եկան հաջորդ փուլ
21:55, 23 Հունիս 2021
ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ: Ֆուտբոլի Եվրոպայի առաջնությունում E խմբի վերջին տուրում միմյանց դեմ մրցեցին Շվեդիան և Լեհաստանը, Սլովակիան և Իսպանիան:
«Արմենպրես»-ի հաղորդմամբ` Սանկտ-Պետերբուրգի համանուն մարզադաշտում Շվեդիան մրցեց Լեհաստանի դեմ: Շվեդները կարողացան հաղթանակ կորզել վերջին րոպեին խփած գոլի շնորհիվ` 3:2:
Մյուս խաղում Իսպանիան գերխոշոր հաշվով առավելության հասավ Սլովակիայի նկատմամբ: «Կարմիր ֆուրիա»-ն հաղթեց 5:0 հաշվով:
Մինչ այս 1/8 եզրափակիչի ուղեգիր էր նվաճել Շվեդիան: Հաջորդ փուլի ուղեգիրը նվաճեց նաև Իսպանիան, որը խմբում զբաղեցրեց երկրորդ տեղը: Երրորդ տեղում է Սլովակիան (3 միավոր), իսկ վերջինը Լեհաստանն է (2 միավոր):
Բաժանորդագրվեք մեր ալիքին Telegram-ում