Երիտասարդ բռնցքամարտիկները դուրս են եկել Եվրոպայի առաջնության եզրափակիչ
00:17, 23 Հունիս 2021
ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ: Իտալիայում ընթացող մինչև 22 տարեկանների բռնցքամարտի Եվրոպայի առաջնությունում երկու հայ մարզիկներ դուրս եկան եզրափակիչ և կպայքարեն ամենաբարձր հարգի մեդալի համար։
«Արմենպրես»-ի հաղորդմամբ` Վլադիմիր Ենգիբարյանի անվան մարզադպրոցի սան 56 կգ քաշային Արթուր Բազեյանը համառ պայքարում 3:2 հաշվով հաղթանակ տոնեց Ռուսաստանը ներկայացնող Ալեքսեյ Կիսելյովի նկատմամբ։ Եզրափակիչում է նաև Ախուրյանի մարզադպրոցի սան 81 կգ քաշային Համբարձում Հակոբյանը, որի մրցակիցը` մոլդովացի Անդրեյ Չիրյակովը վնասվածքի պատճառով ռինգ դուրս չի գա։ Եզրափակիչները կկայանան հունիսի 24-ին։
Բաժանորդագրվեք մեր ալիքին Telegram-ում