Ժամանակը Երևանում՝ 11:07:36,   2 Օգոստոս

Թաեքվոնդոյի աշխարհի առաջնությունը հետաձգվել է

Թաեքվոնդոյի աշխարհի առաջնությունը հետաձգվել է

 

ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Թաեքվոնդոյի համաշխարհային ֆեդերացիան,  Չինաստանի Ուսի քաղաքի իշխանությունների խնդրանքով, հետաձգել է 2021թ. հոկտեմբերին  նախատեսված  աշխարհի առաջնությունը:

«Արմենպրես»-ի հաղորդմամբ` այս մասին հայտնում է ՀԱՕԿ-ը: Մարզաձևի  միջազգային ֆեդերացիայի նախագահի և գործկոմի անդամների ընտրությունները  կանցկացվեն  հեռավար ձևաչափով:

Հաշվի է առնվել այն հանգամանքը, որ շատ թիմեր չեն կարողանա մուտք գործել երկիր կամ ստիպված կլինեն կարանտինի մեջ մնալ մի քանի շաբաթ: 

Նոր ժամկետը կորոշվի առաջիկայում, իսկ ընտրությունների մասնակցության հայտերի  ներկայացման վերջնաժամկետը հուլիսի 11-ն է: 

Գենդերային հավասարակշռություն ապահովելու համար  գործկոմի կազմում  յուրաքանչյուր մայրցամաքի միությունից կընտրվի առնվազն մեկ կին: Առավել շատ ձայներ ունեցող կին թեկնածուն կնշանակվի փոխնախագահի պաշտոնում: 

 

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]