Ղուկաս Պողոսյանը հանդես կգա «Սևան»-ում
ԵՐԵՎԱՆ, 21 ՀՈՒՆԻՍԻ, ԱՐՄԵՆՊՐԵՍ: Հայաստանի ֆուտբոլի առաջնության` Պրեմիեր լիգայի նորեկ «Սևանը» համալրում է կազմը:
«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: Պրեմիեր լիգայի ուղեգիր նվաճելուց հետո «Սևանի» կազմը էականորեն փոխվում է։ Ակումբը պայմանագիր ստորագրեց Ղուկաս Պողոսյանի հետ։ 27 ամյա ֆուտբոլիստը «Փյունիկ» ՖԱ սան է, հանդես է եկել Հայաստանի առաջատար շատ թիմերում։
Հայաստանի ֆուտբոլի 2020/21 մրցաշրջանի հաղթող դարձավ Երևանի «Ալաշկերտը»: Երկրորդ տեղում «Նոան» է, որն արդեն երկրորդ տարին է, ինչ դառնում է արծաթե մեդալակիր: Եռյակը եզրափակում է «Ուրարտուն»: Մրցաշարային աղյուսակում «Արարատը» 4-րդն է, «Արարատ-Արմենիան»` 5-րդը, «Վանը»` 6-րդը, «Փյունիկը»՝ 7-րդը, աղյուսակը եզրափակում է «Շիրակը»:
Բաժանորդագրվեք մեր ալիքին Telegram-ում