ԱԺ նիստը սկսելու համար 4 ժամվա ընթացքում կրկին չեն գրանցվել բավարար թվով պատգամավորներ
14:39, 17 Հունիս 2021
ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ: Ազգային ժողովի հունիսի 17-ի հերթական նիստը չկայացավ քվորում չլինելու պատճառով:
«Արմենպրես»-ի հաղորդմամբ՝ ժամը 10:00-ին գրանցվել էր 7 պատգամավոր: ԱԺ փոխնախագահ Լենա Նազարյանը հայտնել էր, որ «ԱԺ կանոնակարգ» սահմանադրական օրենքի 51-րդ հոդվածի 4-րդ մասի համաձայն` գրանցումը շարունակվում է մինչեւ անհրաժեշտ թվով պատգամավորների գրանցվելը, բայց ոչ ավելի, քան 4 ժամ:
Ժամը 14:00-ին գրանցվել էր 20 պատգամավոր, ինչը նիստի իրավազորության համար բավարար չէր:
Բաժանորդագրվեք մեր ալիքին Telegram-ում