Սեւանա լճից ոռոգման նպատակներով բաց է թողնվել 43 միլիոն 404 հազար խորանարդ մետր ջուր
13:07, 17 Հունիս 2021
ԳԱՎԱՌ, 17 ՀՈՒՆԻՍԻ, ԱՐՄԵՆՊՐԵՍ ։ 2021 թվականի հունիսի 16-ի դրությամբ Սեւանա լճից արդեն բաց է թողնվել 43 միլիոն 404 հազար խորանարդ մետր ջուր։
Ինչպես «Արմենպրես»-ին տեղեկացրին ՀՀ ԱԻՆ «Հայհիդրոմետ» ծառայությունից, նույն օրվա դրությամբ Սեւանա լիճը ծովի մակերեւույթից գտնվել է 1900 մետր 86 սանտիմետր բարձրության վրա, որը 3 սանտիմետրով բարձր է մնում նախորդ տարվա նույն օրվա նիշից։
2021 թվականի հունվարից մինչեւ հունիսի 16-ն ընկած ժամանակահատվածում Արփա-Սեւան թունելային ջրատարով Սեւանա լիճ է հոսել 119 միլիոն 404 հազար խորանարդ մետր ջուր։
Խոսրով Խլղաթյան
Բաժանորդագրվեք մեր ալիքին Telegram-ում