Եվրո-2020. Իսպանիան չկարողացավ հաղթել Շվեդիային
ԵՐԵՎԱՆ, 15 ՀՈՒՆԻՍԻ, ԱՐՄԵՆՊՐԵՍ: Ֆուտբոլի Եվրոպայի առաջնության E խմբի առաջին տուրում միմյանց դեմ մրցեցին Իսպանիան և Շվեդիան:
«Արմենպրես»-ի հաղորդմամբ` իսպանական Սևիլիա քաղաքում կայացած խաղի մեկնարկային 45 րոպեների ընթացքում «կարմիր ֆուրիան»` Իսպանիայի հավաքականն ակնհայտ առավելություն ուներ և տիրում էր նախաձեռնությանը: Շվեդները երբեմն-երբեմն սուր գրոհում էին: Թիմերն ընդմիջման գնացին զրոյական ոչ-ոքի հաշվով:
Երկրորդ կեսը նույն զարգացումն ունեցավ` Իսպանիան գրոհում էր, սակայն գրոհների վերջանասում դիպուկություն չկա, շվեդները երբեմն հակագրոհում էին, բայց կրկին անարդյունք: Շվեդները պաշտպանությունում գործում էին շատ զգոն:
Իսպանիա-Շվեդիա`0:0:
Հաջորդ` երկրորդ տուրում Իսպանիան հունիսի 19-ին կմրցի Լեհաստանի, իսկ Շվեդիան` Սլովակիայի:
Բաժանորդագրվեք մեր ալիքին Telegram-ում