Ժամանակը Երևանում՝ 11:07:36,   15 Հունիս

«5165» շարժումը քարոզարշավ է անցկացրել Արարատի մարզում

«5165» շարժումը քարոզարշավ է անցկացրել Արարատի մարզում

ԵՐԵՎԱՆ, 11 ՀՈՒՆԻՍԻ, ԱՐՄԵՆՊՐԵՍ: Նախընտրական քարոզարշավի 4-րդ օրը՝ հունիսի 10-ին, «5165» շարժման առաջնորդ Կարին Տոնոյանը և շարժման անդամները Արարատի մարզում են եղել։ «Արմենպրես»-ին այս մասին հայտնեցին շարժման մամուլի ծառայությունից: 

Շարման անդամները նախ Արարատ քաղաքի բնակիչներին ներկայացրել են իրենց նախընտրական ծրագիրը, ազգային պետություն կերտելու իրենց տեսլականը, որից հետո շրջել են նաև Ազատավան գյուղում։ Անհատական և ընդհանուր զրույցների ընթացքում Կարին Տոնոյանը կարևորել է հունիսի 20-ի ընտրություններին պարտադիր մասնակցությունը, քանի որ յուրաքանչյուրի ձայնը կարևոր է: 

«Մենք հիմա պետք է հրաժեշտ տանք նախկիններին, պետք է հիմա նոր, երիտասարդ, մաքուր, լավ կրթություն ստացած, արդարության բարձր զգացում ունեցող երիտասարդները գան և երկիրը փորձեն հանել ներկայիս վատ վիճակից: Նոր ձևավորվող ուժերի համար միշտ շատ դժվար է, քանի որ նրանց փորձում են գնել, պաշտոն առաջարկել, փոխել, փչացնել: Ես որոշեցի կանգնել «5165» շարժման առջևում, որպեսզի նման հարվածները փորձեմ ինձ վրա վերցնել, քանի որ այն, ինչ եղավ ինձ հետ, ամենացավոտն էր, հիմա ինձ ցավեցնելը հեշտ չէ»,- ասել է Կարին Տոնոյանը:  








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ