Պատմության հետագծով
ԵՐԵՎԱՆ, 21 ՄԱՅԻՍԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: 1969 թ. մայիսի 21-ին մահացել է Սիմոն Վրացյանը՝ հայ քաղաքական գործիչ, դաշնակցական ղեկավար։ Եղել է Հայաստանի առաջին հանրապետության գյուղատնտեսության եւ պետական գույքի, ինչպես նաեւ աշխատանքի նախարար ու չորրորդ վարչապետը։
-1967 թ. մայիսի 21-ին մահացել է Բարսեղ Կանաչյանը՝ հայ կոմպոզիտոր, հասարակական գործիչ, Հայաստանի օրհներգի՝ «Մեր Հայրենիքի» երաժշտության հեղինակը (ծնվել է 1885 թ.)։
-1921 թ. մայիսի 21-ին ծնվել է Անդրեյ Սախարովը՝ ԽՍՀՄ ֆիզիկոս, իրավապաշտպան, ԽՍՀՄ ԳԱ ակադեմիկոս եւ քաղաքական գործիչ, այլախոհ, խորհրդային ջրածնային ռումբի համահեղինակ, ԽՍՀՄ իրավապաշտպան շարժման առաջնորդներից մեկը, 1975 թ. Խաղաղության Նոբելյան մրցանակի դափնեկիր, խորհրդային քաղբանտարկյալ (1980-1986), ԽՍՀՄ ժողովրդական պատգամավոր (1989)։ 1986 թ. Միխայիլ Գորբաչովը Սախարովին ազատեց աքսորից եւ թույլ տվեց վերադառնալ Մոսկվա, որն աշխարհում գնահատվեց որպես այլախոհության դեմ պայքարի ավարտի սկիզբ ԽՍՀՄ-ում։
-1502 թ. մայիսի 21-ին պորտուգալացի ծովագնաց Ժուան դե Նովան հայտնաբերեց Սուրբ Հեղինեի կղզին։
-1804 թ. մայիսի 21-ին բացվեց Փարիզի Պեր Լաշեզ գերեզմանատունը։
-1904 թ. մայիսի 21-ին Փարիզում ստեղծվեց Ֆուտբոլի միջազգային ֆեդերացիան։
Հետաքրքիր փաստեր
-Բնական գազը պարունակում է հիմնականում մեթան՝ 70-98 տոկոս:
-Բնական գազը կարող է առաջանալ ինչպես առանձին, այնպես էլ նավթի հետ միասին: Վերջին դեպքում դա հաճախ ձեւավորում է մի տեսակ գազի գլխարկ նավթի հանքավայրերի վրա:
-Գիտե՞ք, որ բնական գազն անգույն է եւ հոտ չունեցող:
-Գազին հատուկ նյութ (հոտավետ) են ավելացնում, որպեսզի արտահոսքի դեպքում մարդը կարողանա դա նկատել:
-Արտահոսքի դեպքում սենյակի վերին մասում է բնական գազը հավաքվում, քանի որ այն գրեթե 2 անգամ թեթեւ է օդից:
-Բնական գազը ինքնաբերաբար բռնկվում է ըստ Ցելսիուսի 650 աստիճան ջերմաստիճանի պայմաններում:
-Ուրենգոյսկոյե գազի հանքավայրը (Ռուսաստան) ամենամեծն է մոլորակի վրա: Հետաքրքիր է, որ ռուսական «Գազպրոմ» ընկերությունն ունի աշխարհի բնական գազի պաշարների 17 տոկոսը:
-1971-ից Թուրքմենստանում շարունակաբար բոցավառվում է գազի խառնարան Դարվազան, որն առավել հայտնի է որպես «Անդրաշխարհի դարպասներ»: Հետո երկրաբանները որոշեցին հրդեհել բնական գազը՝ սխալմամբ ենթադրելով, որ այն շուտով կայրվի ու կմարի: Այնուամենայնիվ, այսօր հրդեհը շարունակում է այնտեղ:
-Հետաքրքիր փաստ է այն, որ մեթանը համարվում է երրորդ ամենատարածված գազը հելիումից եւ ջրածնից հետո ամբողջ Տիեզերքում:
-Բնական գազը արտադրվում է ավելի քան 1 կմ խորության վրա, մինչդեռ որոշ դեպքերում խորությունը կարող է հասնել 6 կմ-ի:
Ա. Հ.
Բաժանորդագրվեք մեր ալիքին Telegram-ում