Samsung-ը կթողարկի Galaxy A22 բյուջետային սմարթֆոնը՝ 5G օժանդակությամբ
ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: Samsung ընկերությունը պատրաստվում Է թողարկել ոչ թանկ սմարթֆոն՝ հինգերորդ սերնդի շարժական ցանցերում աշխատանքի օժանդակությամբ: Galaxy A22 նորույթի հավաստագրման մասին հաղորդել Է Gizmochina-ն, տեղեկացնում Է «Արմենպրես»-ը:
Սմարթֆոնին վերագրում են 6,5-դյույմանոց IPS-դիսփլեյ՝ FHD+ լուծաչափով: Սպասվում Է, որ Samsung A22-ն աշխատելու Է MediaTek Dimensity 700 չիպսետով:
Հաղորդվում Է նաեւ 4G-ով տարբերակի մասին, որը կստանա Helio G80 պրոցեսորը: 5G-ով մոդելը LTE-տարբերակից կտարբերվի նաեւ խցիկների հավաքածուով. առաջինը կստանա եռասենսոր մոդուլ (հիմնական տվիչը՝ 48 մեգապիկսել), իսկ երկրորդի մոտ խցիկների քանակը լինելու Է մեկով ավելի:
Ինսայդերներն ակնարկում են, որ Galaxy A22-ը կհանդերձեն 5000 մԱժ ծավալ ունեցող ուժակուտակիչով՝ 15-վատանոց լիցքավորման օժանդակությամբ:
Սարքը պաշտոնապես կներկայացնեն հունիսին, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում