Շնորհավորում եմ «Արարատ»-ի հավաքարարներից մինչև ղեկավարություն. Բիչախչյան
ԵՐԵՎԱՆ, 16 ՄԱՅԻՍԻ, ԱՐՄԵՆՊՐԵՍ: Երևանի «Արարատ»-ի գլխավոր մարզիչ Վարդան Բիչախչյանի կարծիքով գավաթի խաղարկության եզրափակիչը «Ալաշկերտ»-ի դեմ գեղեցիկ ստացվեց:
«Շնորհավորում եմ «Արարատ»-ի հավաքարարներից մինչև ղեկավարություն: Երկար սպասված հաղթանակ էր: Մենք կարողացանք տարիների բացը լրացնել` այսօր դառնալով գավաթակիր»,-«Արմենպրես»-ի հաղորդմամբ` խաղի ավարտին` լրագրողների հետ հանդիպման ժամանակ ասաց մասնագետը: Բիչախչյանի շեշտեց, որ երկրպագուները գեղեցիկ խաղի ականատես եղան: «Այս պահից սկսած կենտրոնանում ենք Հայաստանի առաջնության խաղերի վրա»,-ասաց Բիչախչյանը:
Հայաստանի գավաթի խաղարկության եզրափակիչում «Ալաշկերտ»-ը մրցեց «Արարատ»-ի հետ: «Արարատ»-ը Աղվան Պապիկյանի գոլի և Նորի Կոնեի դուբլի շնորհիվ առավելության հասավ 3:1 հաշվով: «Արարատ»-ը 6-րդ անգամ դարձավ Հայաստանի գավաթակիր:
Բաժանորդագրվեք մեր ալիքին Telegram-ում