«Հոֆենհայմ»-ը ոչ-ոքի է ավարտել հանդիպումը «Արմինիա»-ի հետ. Ադամյանը գոլային փոխանցման հեղինակ
19:35, 15 Մայիս 2021
ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ: Գերմանիայի ֆուտբոլի առաջնության 33-րդ տուրում «Հոֆենհայմ»-ը մրցեց «Արմինիա»-ի հետ:
«Արմենպրես»-ի հաղորդմամբ` խաղի մեկնարկից 5 րոպե անց «Հոֆենհայմ»-ը բացեց հանդիպման հաշիվը: Սարգիս Ադամյանի փոխանցումից հետո աչքի ընկավ Կրամարիչը: Խաղի 12-րդ րոպեին Ադամյանը նաև դեղին քարտ ստացավ: «Արմինիա»-ն վերականգնեց հաշվի տարբերությունը 23-րդ րոպեին: Գոլի հեղինակ դարձավ Վոլգսանները: Երկրորդ խաղակեսում դարպասի գրավում չարձանագրվեց: «Արմինիա»-«Հոֆենհայմ»` 1:1:
Հայաստանի ֆուտբոլի ազգային թիմի կիսապաշտպան Սարգիս Ադամյանը «Հոֆենհայմ»-ի մեկնարկային կազմում էր, սակայն փոխարինվեց 83-րդ րոպեին:
Այժմ «Հոֆենհայմ»-ը Բունդեսլիգայի մրցաշարային աղյուսակում 11-րդն է:
Բաժանորդագրվեք մեր ալիքին Telegram-ում