«Նոա»-ն հաղթեց «Փյունիկ»-ին, «Արարատ-Արմենիա»-ն` «Ուրարտու»-ին
19:00, 15 Մայիս 2021
ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ: Հայաստանի ֆուտբոլի առաջնությունում կայացան մի քանի հանդիպում, որոնք հետաձգվել էին նախորդ տուրերից:
«Արմենպրես»-ի հաղորդմամբ` դեռևս 9-րդ տուրից հետաձգված խաղում «Փյունիկ»-ը սեփական հարկի տակ ընդունեց «Նոա»-ին: Այս խաղում «Նոա»-ի միակ և հաղթական գնդակը խփեց Պետրոս Ավետիսյանը` հանդիպման վերջանամասում (89-րդ րոպե):
Օրվա մյուս խաղում «Ուրարտու»-ն տանն հյուրընկալեց «Արարատ-Արմենիա»-ին: Հայաստանի կրկնակի չեմպիոնն առավելության հասավ 1:2 հաշվով: «Ուրարտու»-ի կազմում աչքի ընկավ Պոլյակովը, իսկ «Արարատ-Արմենիա»-ի կազմում դուբլի հեղինակ դարձավ Օտուբանջոն:
Այժմ Հայաստանի ֆուտբոլի առաջնության առաջատարը «Նոա»-ն է 41 միավորով: 37-ական միավոր ունեն «Արարատ-Արմենիա»-ն և «Ալաշկերտ»-ը:
Բաժանորդագրվեք մեր ալիքին Telegram-ում