Հեծանվորդները սկսում են պայքարը Հայաստանի չեմպոնի կոչման համար
ԵՐԵՎԱՆ, 13 ՄԱՅԻՍԻ, ԱՐՄԵՆՊՐԵՍ: Երևանի հեծանվահրապարակում մեկնարկեցին Հայաստանի տարբեր տարիքայինների առաջնությունները:
«Արմենպրես»-ի հետ զրույցում Հայաստանի հավաքականի գլխավոր մարզիչ Արմեն Գյոզալյանը փաստեց, որ կորոնավիրուսի պանդեմիայից հետո այս տարի Հայաստանի առաջնությանն ընդհանուր առմամբ մասնակցում է 60 մարզիկ:
«Առաջնության արդյունքներով կձևավորենք Հայաստանի երիտասարդական թիմը, որը կմասնակցի Սանկտ-Պետերբուրգի միջազգային մրցաշարին: Մինչ այդ էլ մարզական հավաք կունենանք: Մրցաշարից հետո կմասնակցենք աշխարհի և Եվրոպայի առաջնություններին»,- ասաց մարզիչը:
Գյոզալյանի խոսքով` պանդեմիան մեծ բացասական հետևանք է թողել մարզաձևի վրա: «Այժմ նոր սերունդ ունենք և լիահույս ենք ոչ թե այս գալիք Օլիմպիական խաղերի մասնակցության, այլ Փարիզի 2024 թվականի խաղերին հնարավոր մասնակցության համար»,- ասաց նա:
Բաժանորդագրվեք մեր ալիքին Telegram-ում