Ժամանակը Երևանում՝ 11:07:36,   18 Հունիս

Արցախի նախագահի աշխատակազմի 119 թեժ գծին վերջին շաբաթում ստացվել է 1,261 զանգ

Արցախի նախագահի աշխատակազմի 119 թեժ գծին վերջին շաբաթում ստացվել է 1,261 
զանգ

ՍՏԵՓԱՆԱԿԵՐՏ, 11 ՄԱՅԻՍԻ, ԱՐՄԵՆՊՐԵՍ: Արցախի Հանրապետության նախագահի աշխատակազմի կողմից գործարկված արագ արձագանքման թեժ գծի 119 հեռախոսահամարին ընթացիկ տարվա մարտի 8-ից մինչև մայիս 7-ն ընկած ժամանակահատվածում գրանցվել է 5,192 զանգ, որից 1,261-ը՝ վերջին շաբաթվա (մայիսի 3-7) ընթացքում: «Արմենպրես»-ին այս մասին հայտնեցին Արցախի Հանրապետության նախագահի աշխատակազմի տեղեկատվության գլխավոր վարչությունից:

Թեժ գծի գործարկումից ի վեր կատարվել է 1143 հետզանգ, որն իրականացվում է բացթողնված զանգերին պատասխանելու և բարձրացված հարցերի ճշտման նպատակով:

Զանգերի հիմնական մասը վերաբերել է վարկային պարտավորությունների կատարմանն ուղղված պետական ֆինանսական աջակցության ծրագրին, բնակարանային ապահովությանը և տեղահանված անձանց այլ խնդիրներին: Նախագահի աշխատակազմի լիազորությունների շրջանակներում իրականացվել են իրազեկման, խորհրդատվության, խնդիրների վերհանման ու արագ արձագանքման գործառույթներ:

Թեժ գծին հնարավոր է զանգահարել Արցախից՝ 119, իսկ Հայաստանի Հանրապետությունից ու արտերկրից՝ +374-47-119-119 հեռախոսահամարներով: Աշխատանքային ռեժիմն է՝ երկուշաբթիից ուրբաթ՝ ժամը 09:00 - 18:00-ն։

Նշենք, որ սոցիալական բնույթի հարցերով ցանկալի է զանգահարել ԱՀ աշխատանքի, սոցիալական և միգրացիայի հարցերի նախարարության թեժ գծին՝ 114 կարճ հեռախոսահամարով:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ