ՀՀ ԱԳՆ-ն ցավակցել է Կազանի դպրոցում կրակոցների հետևանքով զոհվածների հարազատներին
15:51, 11 Մայիս 2021
ԵՐԵՎԱՆ, 11 ՄԱՅԻՍԻ, ԱՐՄԵՆՊՐԵՍ: Հայաստանի Հանրապետության արտաքին գործերի նախարարությունը ցավակցություն է հայտնել Կազանի թիվ 175 դպրոցում տեղի ունեցած ողբերգական միջադեպի հետևանքով զոհվածների հարազատներին: «Արմենպրես»-ի փոխանցմամբ՝ ԱԳՆ ցավակցական հաղորդագրության մեջ ասված է.
«Մեր խորին ցավակցությունն ենք հայտնում այսօր Կազանի թիվ 175 դպրոցում տեղի ունեցած ողբերգական միջադեպի հետևանքով զոհվածների հարազատներին և բարեկամներին: Մաղթում ենք շուտափույթ ապաքինում բոլոր տուժածներին»:
Ռուսական լրատվամիջոցները հայտնում են, որ Կազանի թիվ 175 դպրոցում կրակոցների հետևանքով զոհվել է 7 աշակերտ և ուսուցուհիներից մեկը, տուժել է 21 մարդ: Տուժածներից 8-ի վիճակը գնահատվում է ծանր:
Բաժանորդագրվեք մեր ալիքին Telegram-ում