Ժամանակը Երևանում՝ 11:07:36,   18 Հունիս

Երգի պրեմիերա. «ԴԵՏՔ»-ը հրապարակել է «Գիշերը» ստեղծագործությունը

Երգի պրեմիերա. «ԴԵՏՔ»-ը հրապարակել է «Գիշերը» ստեղծագործությունը

ԵՐԵՎԱՆ, 11 ՄԱՅԻՍԻ, ԱՐՄԵՆՊՐԵՍ: «ԴԵՏՔ» խումբը երկրպագուներին է ներկայացրել «Գիշերը» երգը, որը հասանելի է խմբի YouTube-ի պաշտոնական ալիքում:

«Արմենպրես»-ի հաղորդմամբ՝ երգն ստեղծվել է Նաիրի Զարյանի համանուն բանաստեղծության մոտիվներով։ Երաժշտության հեղինակն ու գործիքավորողն է Արման Պետրոսյանը։ «ԴԵՏՔ» խմբի «Լույսը բացվելիս» ալբոմի ձայնագրման աշխատանքներն իրականացվել են ՀՀ ԿԳՄՍ նախարարության աջակցությամբ:

Ավելի վաղ խմբի անդամները «Ֆեյսբուքի» պաշտոնական էջում գրել էին, որ ալբոմն ուշացել է շուրջ 7 ամիս։ «Ալբոմի ներկայացման օրը 2020 թվականի հոկտեմբերի 30-ն էր, սակայն պատերազմը եկավ ու իր հետ տարավ ամեն ինչ... Ամեն նպատակ, ամեն երազանք՝ ամեն մեկիս ու ամենքիս միասին։ Ապրել է պետք, գոնե փորձել, փորձել ստեղծագործել ու շարունակել հանուն Տիկոյի, հանուն տղերքի։ «Հերիք չի՝ ապրում ենք, մի հատ էլ երգ ենք գրում...»,-մեր պրոդյուսերն ասաց, և լռեցինք երկար... Վերադառնում ենք»,- նշել էին խմբի անդամները։

«ԴԵՏՔ»-ը ստեղծվել է 2015 թվականին պրոդյուսեր Արման Ամպ-ի կողմից: Խումբը 2017-ին «Ծիծեռնակ» ազգային երաժշտական մրցանակաբաշխությունում ճանաչվել է որպես Հայաստանում 2016 թվականի լավագույն փոփ բենդ։ 2020 թվականից խումբը հանդես է գալիս Արման Պետրոսյան, Վահան Կիրակոսյան դուետով: Արցախյան 44-օրյա պատերազմում խմբի անդամները կորցրել են իրենց լավագույն ընկերներից Տիգրանին, որին նվիրել են «Մութը մենք ենք հորինել» երգը:

Հայտնի են «ԴԵՏՔ»-ի «Շուշի», «Մի ազգ, մի բանակ», «Իմ հայրենիք», «Լույսը» և մի շարք այլ երգեր:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ