Հունահռոմեական ոճի ըմբիշները հաջող են մեկնարկել վարկանիշային մրցաշարում
15:22, 8 Մայիս 2021
ԵՐԵՎԱՆ, 8 ՄԱՅԻՍԻ, ԱՐՄԵՆՊՐԵՍ: Հայաստանի հունահռոմեական ոճի ըմբշամարտի հավաքականի անդամները հաջող են մեկնարկել ՕԽ վարկանիշային մրցաշարում:
«Արմենպրես»-ի հաղորդմամբ` Բուլղարիայի մայրաքաղաք Սոֆիայում ընթացող մրցաշարում 60 կգ քաշային կարգում` որակավորման փուլում Արմեն Մելիքյանը գերազանցեց Մեքսիկայից Սամուել Միգուերասին և դուրս եկավ 1/8 եզրափակիչ:
67 կգ քաշային կարգում 1/8 եզրափակիչում Կարեն Ասլանյանը հաղթեց նորվեգ մրցակցին 8-0 հաշվով: Քառորդ եզրափակիչում հայ ըմբիշն ուժերը կչափի Ամանտուր Իսմայլովի հետ:
87 կգ քաշային կարգում Արթուր Շահինյանը 1/8 եզրափակիչում զիջեց շվեդ Քրիստոֆեր Բերգին:
Համաշխարհային վարկանիշային մրցաշարում Տոկիոյի Օլիմպիական խաղերի ուղեգիր նվաճում են այն մարզիկները, որոնք հասնում են եզրափակիչ:
Բաժանորդագրվեք մեր ալիքին Telegram-ում