Ժամանակը Երևանում՝ 11:07:36,   19 Հունիս

Առողջապահության նախարարը կորոնավիրուսի դեմ պատվաստումների տեմպի աճ է նկատում

Առողջապահության նախարարը կորոնավիրուսի դեմ պատվաստումների տեմպի աճ է 
նկատում

ԵՐԵՎԱՆ, 7 ՄԱՅԻՍԻ, ԱՐՄԵՆՊՐԵՍ: Կորոնավիրուսային հիվանդության դեմ պատվաստումների շեմը Հայաստանում անցել է 10 հազարը: Ինչպես տեղեկացնում է «Արմենպրես»-ը, այս մասին առցանց քննարկման ժամանակ ասաց Առողջապահության նախարար Անահիտ Ավանեսյանը:

Նախարարը վերջին օրերին կորոնավիրուսի դեմ պատվաստումների տեմպի աճ է նկատում:

«Մեր քաղաքականությունն է հնարավորինս կարգը հեշտացնել, քաղաքացուն մոտեցնել պատվաստմանը և հնարավորինս շատ քաղաքացիների պատվաստել: Մեր խնդիրն է ռիսկային խմբերի և ընդհանրապես քաղաքացիների շրջանում մաքսիմալ թվով պատվաստում ապահովել մեկ տարվա ընթացքում»,- ասաց Ավանեսյանը:

Նախարարը ընդգծեց, որ փորձել են ամեն ինչ անել՝ պատվաստանյութը հասանելի դարձնելու համար քաղաքացիներին, որպեսզի օր առաջ կոտրվի վարակի տարածման շղթան:

«ԱստրաԶենեկա»-ով պատվաստումները կարող են իրականացվել 18 և բարձր տարիքի անձանց շրջանում, ըստ դիմելիության, կամավորության սկզբունքով: Իսկ «Սպուտնիկ-Վի»-ով պատվաստումները նախատեսված են ռիսկի խմբերի անձանց, մասնավորապես` 18-ից 54 տարեկան բուժաշխատողների, 18-ից 54 տարեկան քրոնիկ հիվանդների, 18-ից 54 տարեկան սոցիալական խնամքի կենտրոնների բնակիչների և աշխատակիցների համար:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ