ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ: Հունաստանի լրագրողների եւ զանգվածային լրատվամիջոցների աշխատակիցների արհմիությունները մայիսի 4-ին 24-ժամյա գործադուլ են անցկացնում Մայիսի 1-ի՝ կոլեկտիվ եւ անձնական իրավունքների, սոցիալական արդարության եւ խաղաղության, առողջության եւ անվտանգության համար աշխատավորների պայքարի միջազգային օրվա կապակցությամբ, տեղեկացնում Է «Արմենպրես»-ը:

Գործադուլի որոշումն ընդունել Է լրագրողների խոշորագույն արհմիությունը՝ Աթենքի օրաթերթերի խմբագիրների միությունը՝ ESIEA-ն, եւ դրա հետ համագործակցող ասոցիացիաները: Քանի որ Մայիսի 1-ը ոչ աշխատանքային օր Էր՝ Մեծ շաբաթը, աշխատավորների մայիսմեկյան ակցիաները հետաձգվել են:

Աշխատանքի եւ սոցիալական հարցերի նախարարի որոշմամբ, մայիսի 1-ի պարտադիր հանգստյան օրը տեղափոխվել Է երեքշաբթի օր՝ մայիսի 4-ին:

Մայիսի 4-ի առավոտյան ժամը 6-ից գործադուլ են սկսել զանգվածային լրատվամիջոցների մեծամասնությունը՝ մամուլը, ռադիոն, Համացանցը, մասնավոր եւ պետական հատվածը, ERT հունական հանրային հեռուստատեսությունը, Աթենքի AMHA նորությունների գործակալությունը, տեղական ինքնավարության ռադիոկայանները, տեղեկատվության եւ հաղորդակցությունների գլխավոր քարտուղարությունը, նախարարությունների եւ գերատեսչությունների մամուլի ծառայությունները:

Բացառություն Է արվել լրագրողների համար, որոնք լուսաբանում են գործադուլը եւ համավարակի մասին առողջապահության նախարարության տեղեկատվությունը: Արհմիությունը հայտարարում Է, որ քաղաքացիների ամենօրյա պայքարը հանուն օբյեկտիվ եւ հավաստի տեղեկատվության եղել եւ մնում Է ավելի բարդ, բայց ավելի անհրաժեշտ, քան երբեւիցե:

Մայիսի 4-ին գործադուլ կանցկացնի նաեւ մասնավոր հատվածի աշխատողների խոշորագույն արհմիությունը՝ GSEE-ն՝ Հունաստանի աշխատավորների համընդհանուր համադաշնությունը: «Մայիսի 1-ը գործադուլի օր Է, այլ ոչ թե տոն»,-ասվում Է համադաշնության հայտարարության մեջ:

GSEE-ն չի պատրաստվում ցույցեր անցկացնել:

Հիմնական գործադուլներն ու ցույցերը տեղի կունենան մայիսի 6-ին. դրանք կանցկացնեն «Համընդհանուր մարտական ճակատ» (ПАМЕ) կոմունիստական արհմիությունը եւ պետական հատվածի աշխատողների արհմիությունը՝ ADEDY-ը: 24-ժամյա գործադուլ կանցկացնեն նավաստիները եւ լաստանավային հաղորդակցության (հիմնական փոխադրամիջոցը Հունաստանի կղզիների եւ մայրցամաքային մասի միջեւ) ծառայողները, մետրոյի, տրոլեյբուսների, տրամվայների աշխատողները: ПАМЕ կոմունիստական արհմիությունը բոլոր աշխատավորներին կոչ Է արել առավոտյան ժամը 10-ին հանրահավաքի գալ մայրաքաղաքի կենտրոնական հրապարակ՝ «Սինտագմա», խորհրդարանի շենքի մոտ: Ավանդաբար ПАМЕ արհմիությունը հրաժարվում Է համատեղ ակցիաներ անցկացնել ADEDY-ի եւ GSEE-ի հետ, հաղորդել Է ՌԻԱ Նովոստին: