Վարչապետի հրաժարականը պահանջող քաղաքացիները բողոքի ակցիա են անցկացնում կառավարական առանձնատների մոտ
21:03, 21 Ապրիլ 2021
ԵՐԵՎԱՆ, 21 ԱՊՐԻԼԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանի հրաժարականը պահանջող մի խումբ քաղաքացիներ բողոքի ակցիա են անցկացնում կառավարական առանձնատների մոտ: «Արմենպրես»-ի փոխանցմամբ՝ նրանք սպասում են Սյունիքից վարչապետի ժամանմանը:
Ակցիայի մասնակից, ՀՅԴ անդամ Գեղամ Մանուկյանը նշեց, որ պատրաստվում են շարունակել այսօր Սյունիքում վարչապետի հրաժարականը պահանջող քաղաքացիների բողոքի ակցիան:
ՀՀ վարչապետ Նիկոլ Փաշինյանն ապրիլի 20-ից գտնվում էր Սյունիքի մարզում: Ապրիլի 21-ի առավոտյան Սյունիքի մարզի Ագարակ համայնքում մի խումբ քաղաքացիներ թույլ չէին տվել վարչապետի տեղաշարժը՝ վանկարկումներով ու հայհոյախառն արտահայտություններով:
Բաժանորդագրվեք մեր ալիքին Telegram-ում