Գերմանիան 10 մլրդ եվրո կհատկացնի ստարտափների հիմնադրամին
21:07, 24 Մարտ 2021
ԵՐԵՎԱՆ, 24 ՄԱՐՏԻ, ԱՐՄԵՆՊՐԵՍ: Գերմանիայի դաշնային կառավարությունը հավելյալ 10 միլիարդ եվրո կհատկացի ապագայի տեխնոլոգիաների ներդրումային հիմնադրամին: Ինչպես հաղորդում է «Արմենպրես»-ը՝ վկայակոչելով Reuters-ը, այս մասին հայտնել են Գերմանիայի ֆինանսների նախարար Օլաֆ Շոլցը և էկոնոմիկայի նախարար Պետեր Ալթմայերը:
Հիմնադրամը կենտրոնանալու է ստարտափների վրա: «Առաջիկա մի քանի տարիների ընթացքում մեր ֆինանսական գործիքների միջոցով մենք աշխատելու ենք մասնավոր ներդրողների հետ՝ ավելի քան 50 մլրդ եվրոյի վենչուրային կապիտալ տրամադրելու ստարտափներին»,- հայտնել է Ալթմայերը:
Բաժանորդագրվեք մեր ալիքին Telegram-ում