«Դվին»-ը կրճատեց եզրափակիչ շարքի հաշվի մեծ տարբերությունը. Բասկետբոլ
21:56, 7 Մարտ 2021
ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ: Հայաստանի բասկետբոլի կանոնավոր առաջնության եզրափակիչ շարքի հերթական խաղում մրցեցին «Վահագնի Սիթի»-ն և «Դվին»-ը:
«Արմենպրես»-ի հաղորդմամբ` նախկին «Միկա» մարզահամալիրում կայացած խաղի առաջին քառորդում առավելությունը «Դվին»-ի կողմն էր, որը Տիգրան Գյոկչյանի թիմը պահպանեց նաև երկրորդ կեսում` 45:51: «Դվին»-ն առավելությունը կարողացավ պահպանել մինչև խաղավարտը և առավելության հասավ` 75:85 հաշվով:
Հանդիպման ամենաարդյունավետ բասկետբոլիստը «Դվին»-ից Դիմիտրիուս Լեվարիտին էր` 30 միավոր:
Եզրափակիչ շարքի ընդհանուր հաշիվն այժմ 2:3 է ի օգուտ «Վահագնի Սիթի»-ի: Թիմերը կխաղան մինչև 5 հաղթանակ:
Մյուս հանդիպումների օրերը դեռևս հայտնի չեն:
Բաժանորդագրվեք մեր ալիքին Telegram-ում