Աթլետ Լևոն Աղասյանը 5-րդն է Եվրոպայի առաջնությունում
ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ: Հայաստանի աթլետիկայի ազգային թիմի անդամ Լևոն Աղասյանը Եվրոպայի ձմեռային առաջնությունում գրավել է 5-րդ տեղը:
«Արմենպրես»-ի հաղորդմամբ` Եվրոպայի ձմեռային առաջնության տղամարդակց եռացատկում Կապանը ներկայացնող Լևոն Աղասյանը ցատկել է 16.77 մետր և գրավել 5-րդ տեղը: Առաջին տեղում Պորտուգալիան ներկայացնող Պի Պիչարդն է, ով գրանցել է 17.30 արդյունք: Եվրոպայի ձմեռային առաջնությունում Հայաստանն ուներ երկու ներկայացուցիչ` Լևոն Աղասյանը և վազորդ Ալեքս Դոնիկյանը:
Ավելի վաղ «Արմենպրես»-ի հետ զրույցում Աղասյանը մասնավորապես ասել էր. «Նպատակ ունեմ առաջիկա մրցաշարերից մեկում նվաճել Տոկիոյի 32-րդ ամառային Օլիմպիական խաղերի ուղեգիրը: Գիտեմ բարդ է լինելու ուղեգիր նվաճել, բայց վստահաբար կարող եմ: Մեծ աշխատանք եմ կատարում հիմա Եվրոպայի առաջնությանը լավ մարզավիճակում մոտենալու համար»:
Բաժանորդագրվեք մեր ալիքին Telegram-ում