Գևորգ Ղազարյանը վնասվածք է ստացել
ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: Հայաստանի ֆուտբոլի ազգային թիմի կիսապաշտպան Գևորգ Ղազարյանը վնասվածք է ստացել:
«Արմենպրես»-ի հաղորդմամբ`այս մասին գրում են հունական ԶԼՄ-ները: Հայ կիսապաշտպանը վնասվածք է ստացել Հունաստանի գավաթի խաղարկության քառորդ եզրափակիչի ՊԱՕԿ-ի դեմ խաղում:
Դեռևս մարտի 3-ին կայացած խաղում Ղազարյանը եղել է «Լամիա»-ի մեկնարկային կազմում և վնասել է ոտքը և փոխարինվել 45 րոպե անց: Նա չի մասնակցի «Լամիա»-ի առաջիկա երեք խաղերին, որտեղ ակումբը կմրցի «Օլիմպիակոսի», «Լարիսայի» և «Արտոմիտոսի» հետ:
Ղազարյանն ընթացիկ տարվա փետրվարին մեկին միացավ «Լամիա»-ին, որտեղ հանդես է գալիս վարձավճարով: Ղազարյանի պայմանագիրը նոր ակումբի հետ նախատեսված է մինչ ընթացիկ մրցաշրջանի ավարտը:
«Լամիա» ֆուտբոլային ակումբը Հունաստանի Սուպերլիգայի մրցաշարային աղյուսակում նախավերջինն է: Մինչ այս Գևորգ Ղազարյանը հանդես էր գալիս ԱԵԼ-ում, որի կազմում ընդհանուր առմամբ մասնակցել է 21 խաղի:
Բաժանորդագրվեք մեր ալիքին Telegram-ում