Նախատեսվում է փոփոխություններ կատարել դատավորների կենսաթոշակի սահմանման կարգում
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: ՀՀ Ազգային ժողովն առաջին ընթերցմամբ ընդունեց դատավորների կենսաթոշակի սահմանման կարգում փոփոխությունների օրենքի նախագիծը: «Արմենպրես»-ի փոխանցմամբ՝ նախագիծը հեղինակել են «Իմ քայլը» խմբակցության անդամներ Արթուր Դավթյանը, Վլադիմիր Վարդանյանը և Աննա Կարապետյանը:
«Առաջարկվում է դատավորի կենսաթոշակը սահմանել հետեւյալ կերպ. զբաղեցրած վերջին պաշտոնի համար սահմանված աշխատավարձի հարկված գումարի 75%-ի և դատավորին նշանակված՝ անուիտետի և ծրագրային վճարների ձեւով վճարվող կուտակային կենսաթոշակի տարբերության չափով: Գործող կարգավորումներով դատավորները կենսաթոշակ են ստանում աշխատավարձի հարկված գումարի 55%-ի չափով»,- նախագծի ներկայացման ընթացքում ասաց Արթուր Դավթյանը:
Օրենքի նախագիծն առաջին ընթերցմամբ ընդունվեց 95 «կողմ», 1 «դեմ» և 3 «ձեռնպահ» ձայներով:
Բաժանորդագրվեք մեր ալիքին Telegram-ում