Եղիսաբեթ Բ-ի ամուսինը սրտաբանական բուժընթաց է տարել
15:08, 4 Մարտ 2021
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Մեծ Բրիտանիայի Եղիսաբեթ Բ թագուհու ամուսինը՝ Էդինբուրգ 99-ամյա դուքս Ֆլիպը, որը փետրվարի 16-ին հոսպիտալացվել Էր բժիշկների խորհրդով, մարտի 3-ին սրտաբանական բուժընթաց Է տարել եւ առաջիկա օրերին կվերականգնի ուժերը՝ մնալով հիվանդանոցում: Ինչպես տեղեկացնում Է «Արմենպրես»-ը, այդ մասին ասված Է մարտի 4-ի առավոտյան Բուկինգհեմի պալատի մամուլի ծառայության տարածած հաղորդագրության մեջ:
«Երեկ Էդինբուրգի դուքսը սուրբ Բարդուղիմեոսի հիվանդանոցում հաջող կատարված բուժընթաց Է տարել իր մոտ գոյություն ունեցող սրտի հիվանդության պատճառով: Նորին Թագավորական Բարձրությունը հիվանդանոցում կմնա եւս մի քանի օր բուժման, հանգստի եւ ուժերի վերականգնման համար»,- հայտարարել են պալատում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում