Երևանում՝ 11:07,   24 Ապրիլ 2024

Բացահայտվել է պատերազմի մասնակից ներկայանալու միջոցով պետությունից 3,27 մլն դրամ հափշտակելու փորձը

Բացահայտվել է պատերազմի մասնակից ներկայանալու միջոցով պետությունից 3,27 մլն 
դրամ հափշտակելու փորձը

ԵՐԵՎԱՆ, 2 ՄԱՐՏԻ, ԱՐՄԵՆՊՐԵՍ: Քրեական ոստիկանության գլխավոր վարչության ծառայողները բացահայտել են «Հակակոռուպցիոն ժողովրդական վերահսկողության միություն» հասարակական կազմակերպության նախագահի ու 16 անդամների կողմից փաստաթղթերի կեղծմամբ պատերազմի մասնակցի կարգավիճակ ստանալու և այդպիսով պետությունից շուրջ 3 միլիոն 270 հազար դրամ հափշտակելու փորձը։ «Արմենպրես»-ն այս մասին տեղեկացավ ՀՀ ոստիկանության հասարակայնության հետ կապերի և լրատվության վարչությունից։

«ՔՈԳՎ կոռուպցիոն և տնտեսական հանցագործությունների դեմ պայքարի վարչությունում ստացված տեղեկությունների հիման վրա նախապատրաստված նյութերով փաստական տվյալներ են ձեռք բերվել, որ «Հակակոռուպցիոն ժողովրդական վերահսկողության միություն» հասարակական կազմակերպության նախագահն ու 16 անդամներ, առանձնապես խոշոր չափերի հափշտակություն կատարելու նախնական դիտավորությամբ, համաձայնության գալով միմյանց հետ, 2020 թվականի սեպտեմբերի 27-ին Ադրբեջանի կողմից սանձազերծված պատերազմում ռազմական գործողություններին մասնակցած անձանց Հայաստանի կառավարության կողմից նախատեսված համապատասխան ծրագրերի շրջանակներում, ինչպես նաև օրենքով սահմանված կարգով ֆինանսական աջակցություն ստանալու նպատակով, հասարակական կազմակերպության ձևաթղթով կազմել ու պաշտպանության, աշխատանքի և սոցիալական հարցերի նախարարություններ են ներկայացրել հունվարի 12-ի թվագրմամբ, իրավունք վերապահող, կազմակերպության կնիքով հաստատված, բովանդակությամբ կեղծ, պաշտոնական փաստաթղթեր հանդիսացող գրություններ-միջնորդություններ և կից ցուցակներ այն մասին, թե իբր կազմակերպության 17 անդամներ մասնակցել են Արցախյան պատերազմին և որևէ ֆինանսական օգնություն կամ աջակցություն չեն ստացել»,- ասվում է հաղորդագրության մեջ։

Ոստիկանությունից հայտնում են, որ այդ կերպ նշված 17 անձինք փորձել են, չարաշահելով նշված նախարարությունների իրավասու պաշտոնատար անձանց վստահությունը, խաբեությամբ պետությունից հափշտակել առանձնապես խոշոր չափերի՝ շուրջ 3 միլիոն 270 հազար դրամ, սակայն հանցագործությունն ավարտին չեն հասցրել ոստիկանության ծառայողների միջամտության արդյունքում:

Ըստ աղբյուրի՝ դեպքի առթիվ ՔՈԳՎ-ում քրեական գործ է հարուցվել, որն ուղարկվել է ՀՀ քննչական կոմիտե։

Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]