Սեւանա լճի մակարդակը նախորդ տարվա մարտի սկզբի համեմատ բարձր է 11 սանտիմետրով
15:34, 2 Մարտ 2021
ԳԱՎԱՌ, 2 ՄԱՐՏԻ, ԱՐՄԵՆՊՐԵՍ (թղթ․ Խոսրով Խլղաթյան)։ Սեւանա լճի մակարդակը 2021 թվականի մարտի 1-ի դրությամբ ծովի մակերեւույթից գտնվել է 1900 մետր 55 սանտիմետր բարձրության վրա։
Ինչպես «Արմենպրես»-ին տեղեկացրին ՀՀ ԱԻՆ «Հայհիդրոմետ» ծառայությունից, այն 11 սանտիմետրով բարձր է մնում նախորդ տարվա նույն օրվա նիշից։ Նույն աղբյուրի համաձայն՝ 2021 թվականի հունվարի 9-ից մինչեւ մարտի 1-ն ընկած ժամանակահատվածում Արփա-Սեւան թունելային ջրատարով Սեւանա լիճ է տեղափոխվել 26 միլիոն 342 հազար խորանարդ մետր ջուր։ Սեւանա լիճ թափվող գետերը գտնվում են ձմեռային սակավաջուր փուլում։
Բաժանորդագրվեք մեր ալիքին Telegram-ում