ԵՐԵՎԱՆ, 27 ՓԵՏՐՎԱՐԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: -1845 թ. փետրվարի 27-ին ծնվել է Գրիգոր Արծրունին՝ հայ հրապարակախոս, պոզիտիվիստական սոցիոլոգիական մտքի ներկայացուցիչ, հասարակագետ, քննադատ, գրական-հասարակական գործիչ։

-1858 թ. փետրվարի 27-ին մահացել է Նիկողայոս Պալյանը՝ հայ ճարտարապետ, հասարակական գործիչ (ծնվ.՝ 1826 թ.)։

-1910 թ. փետրվարի 27-ին ծնվել է Հենրիկ Գասպարյանը՝ շախմատային կոմպոզիցիայի գծով միջազգային գրոստմայստեր (մահ.՝ 1995 թ.)։

-1917 թ. փետրվարի 27-ին կայացավ բուրժուադեմոկրատական երկրորդ հեղափոխությունը, եւ ցարիզմը տապալվեց Ռուսաստանում։

-1932 թ. փետրվարի 27-ին ծնվել է Էլիզաբեթ Թեյլորը՝ անգլիացի նշանավոր դերասանուհի (մահ.՝ 2011 թ.)։

-1988 թ. փետրվարի 27-ին Արցախյան շարժումը կանգնեցնելու նպատակով Ադրբեջանական ԽՍՀ-ի Սումգայիթ քաղաքում սկսվեցին հայազգի բնակչության 3-օրյա ջարդեր։

Մ. Ա.