Շախմատի կանանց առաջնությունում երկիշխանություն է
21:39, 18 Փետրվար 2021
ԵՐԵՎԱՆ, 18 ՓԵՏՐՎԱՐԻ, ԱՐՄԵՆՊՐԵՍ: Տիգրան Պետրոսյանի անվան շախմատի տանն ընթացող Հայաստանի կանանց առաջնությունում կայացան երրորդ տուրի պարտիաները:
«Արմենպրես»-ի հաղորդմամբ` այս տուրում հաղթանակներ գրանցեցին Մարիամ Մկրտչյանը, Սուսաննա Գաբոյանը, Սիրանուշ Ղուկասյանը, Մարիամ Ավետիսյանը: Միավորը կիսեցին Մարիա Գևորգյանը և Վերոնիկա Խաչատրյանը:
Մրցաշարային աղյուսակում երկիշխանություն է: 2,5 միավոր ունեն Մարիա Գևորգյանը և Սուսաննա Գաբոյանը: 2-ական միավոր ունեն Մարիամ Ավետիսյանը, Սիրանուշ Ղուկասյանը և Վերոնիկա Խաչատրյանը:
Հայաստանի կանանց 76-րդ առաջնությունը բաղկացած է 9 տուրից և կավարտվի փետրվարի 25-ին:
Բաժանորդագրվեք մեր ալիքին Telegram-ում