Ժամանակը Երևանում՝ 11:07:36,   13 Մայիս

«Համախմբված երիտասարդական միություն» ՀԿ-ն պատրաստել է անիմացիոն տեսահոլովակներ

«Համախմբված երիտասարդական միություն» ՀԿ-ն պատրաստել է անիմացիոն 
տեսահոլովակներ

ԵՐԵՎԱՆ, 16 ՓԵՏՐՎԱՐԻ, ԱՐՄԵՆՊՐԵՍ: ՀՀ կրթության, գիտության, մշակույթի և սպորտի նախարարության աջակցությամբ «Համախմբված երիտասարդական միություն» երիտասարդական հասարակական կազմակերպությունը պատրաստել է «Նոյ Նահապետի զարմանալի պատմությունը», «Հայոց լճերի ծննդյան գաղտնիքները», «Հայոց լեռների գաղտնիքներից» խորագրերով 3 անիմացիոն տեսահոլովակ։ «Արմենպրես»-ին այս մասին հայտնեցին ՀՀ ԿԳՄՍ նախարարությունից:

Տեսահոլովակներում ներկայացվում են Նոյի մասին ավանդազրույցը, Հայկական լեռնաշխարհի լճերի և լեռների տեսակները, առաջացման եղանակները և դրանց վերաբերյալ լեգենդներ։ 3D ձևաչափի հոլովակներն ունեն մինիմալիստական և գունեղ լուծումներ, ինչը պատկերային և հանրամատչելի է դարձնում մատուցվող նյութը։

Կերպարներն ու տեսարանները, տեքստի ձայնագրումն ու հնչյունային ձևավորումը ստեղծվել են մասնագիտական քննարկումների արդյունքում մշակված անիմացիոն տեսահոլովակների սցենարների հիման վրա: Տեսահոլովակները հայերեն ու անգլերեն են և ուղեկցվում են սուրդո թարգմանությամբ։

Տեսահոլովակների պատրաստման նպատակը հասարակության շրջանում շրջակա միջավայրի և ոչ նյութական մշակութային ժառանգության պահպանության ճանաչելիության բարձրացումն է, ժառանգության և հայրենի բնության նկատմամբ հոգածության ձևավորումը։ Դրանք արժևորվում են իրենց գեղագիտական և իրազեկման գործառույթներով, ինչպես նաև կրթական և դաստիարակչական նշանակությամբ։

 

 

 

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ