1000х90.jpg (78 KB)

Երևանում՝ 11:07,   29 Մարտ 2024

Տիեզերագնացներ Չել Լինդգրենը և Բոբ Հայնեսը 2022 թվականին կուղևորվեն Միջազգային տիեզերակայան

Տիեզերագնացներ Չել Լինդգրենը և Բոբ Հայնեսը 2022 թվականին կուղևորվեն 
Միջազգային տիեզերակայան

ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ: Ամերիկացի տիեզերագնացներ Չել Լինդգրենը և Բոբ Հայնեսը 2022 թվականին ամերիկյան SpaceX  ընկերության Falcon 9 հրթիռով Crew-4 առաքելության շրջանակում կթռնեն դեպի Միջազգային տիեզերակայան: Ինչպես հաղորդում է «Արմենպրես»-ը, այս մասին հայտնում է NASA-ն:

Լինդգրենը նշանակվել է տիեզերանավի հրամանատարի, իսկ Հայնեսը՝ օդաչուի պաշտոնում:

Թռիչքը, որի հստակ օրը դեռ հայտնի չէ, կիրականացվի NASA-ի՝ ԱՄՆ Ֆլորդա նահանգում գտնվող Քենեդիի կենտրոնից:

Առաքելության մյուս անդամները կընտրվեն ավելի ուշ՝ NASA-ի միջազգային գործընկերների կողմից:

Նշենք, որ այս թռիչքը երկրորդն է լինելու Լինդգրենի կարիերայում, իսկ Հայնեսը, ով 2017 թվականին համալրել է NASA-ի տիեզերագնացների շարքերը, առաջին անգամ կլինի բաց տիեզերքում:

Չել Լինդգրենը 2020 թվականին ընտրվել է այն 18 անձանց շարքում, ովքեր նախապատրաստվելու են Artemis լուսնային ծրագրի շրջանակում:

NASA-ն հայտնում է, որ ավելի քան երկու տասնամյակի ընթացքում Միջազգային տիեզերակայանում եղել է 19 երկիր ներկայացնող 242 մարդ, ովքեր այս ընթացքում ավելի քան 3 հազար գիտահետազոտական աշխատանքներ են իրականացրել:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]