Հայաստանի ֆուտզալի ազգային հավաքականը շարունակում է մարզումները
ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: Հայաստանի ֆուտզալի ազգային հավաքականը շարունակում է մարզումները` նախապատրաստվելով Եվրո-2022-ի ընտրական փուլի խաղերին:
«Արմենպրես»-ի հաղորդմամբ` այս մասին հայտնում է ՀՖՖ-ն: Ինտենսիվ մարզումներ, երկկողմանի խաղ և տակտիկական վարժություններ: Ֆուտզալի Հայաստանի ազգային հավաքականը շարունակում է մարզումները՝ նախապատրաստվելով Եվրոպայի 2022 թ. առաջնության որակավորման խմբային փուլի հանդիպումներին:
Այս անգամ հավաքական են հրավիրվել աշխարհի ուժեղագույն լիգաներից մեկը՝ Ռուսաստանի սուպերլիգան ներկայացնող երկու ֆուտբոլիստներ՝ Նիկիտա Խրոմիխը Սամարայի «Դինամո» թիմից, և Դենիս Նեվեդրովը «Տյումենից»: Խրոմիխն արդեն միացել է հավաքականին, իսկ Նեվեդրովը, ինչպես նաև դարպասապահ Լուան Բարբոսան և Ջոնաթան Բրունո Սանտիագոն կմիանան հավաքին ավելի ուշ:
Բաժանորդագրվեք մեր ալիքին Telegram-ում