Ստեփանակերտում օդային տագնապի ազդանշանը հնչել է կարճ միացման հետևանքով. ԱԻՊԾ
11:39, 22 Հունվար 2021
ՍՏԵՓԱՆԱԿԵՐՏ, 22 ՀՈՒՆՎԱՐԻ, ԱՐՄԵՆՊՐԵՍ: Արցախի մայրաքաղաք Ստեփանակերտում առավոտյան օդային տագնապի ազդանշանը հնչել է կարճ միացման հետևանքով:
«Արմենպրես»-ի փոխանցմամբ` այս մասին հայտնում է Արցախի արտակարգ իրավիճակների պետական ծառայությունը:
«Առավոտյան Ստեփանակերտում օդային տագնապի ազդանշանը միացել է կապի ոլորտում տեխնիկական աշխատանքներ կատարելու ընթացքում՝ կարճ միացման հետևանքով: Միաժամանակ, ԱԻ ծառայությունը տեղեկացնում է, որ փորձնական օդային տագնապի մասին սոցիալական ցանցերում տարածվող լուրերը ապատեղեկատվություն են»,- հայտնում է ԱԻՊԾ-ն:
Բաժանորդագրվեք մեր ալիքին Telegram-ում