ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: Իսպանիայի ֆուտբոլի արքայական գավաթի խաղարկության 1/16 եզրափակիչում «Բարսելոնա»-ն մրցեց «Կորնելյա»-ի հետ:

«Արմենպրես»-ի հաղորդմամբ` թեպետ երկու թիմերը մի շարք առիթներ ունեին հաշիվը բացելու, սակայն հիմնական ժամանակ ավարտվեց զրոյական ոչ-ոքի հաշվով: Լրացուցիչ ժամանակում կատալոնական «Բարսելոնա»-ն երկու գնդակ ուղարկեց մրցակցի դարպասը: Նախ աչքի ընկավ Դեմբելեն և հետո Բրեյթվեյթը: «Կորնելյա»-«Բարսելոնա»` 0:2:

 Նախօրեին Մադրիդի «Ռեալ»-ը դուրս մնաց Իսպանիայի արքայական գավաթի խաղարկությունից: գավաթի խաղարկության 1/16 եզրափակիչում «Ռեալ»-ի մրցակիցը Լա լիգայի երրրորդ դիվիզիոնը ներկայացնող «Ալկոյանո»-ն էր: Հանդիպման հիմնական ժամանակն ավարտվեց ոչ-ոքի` 1:1 հաշվով, սակայն լրացուցիչ ժամանակում «Ալկոյանո»-ից Կազանովայի միակ գնդակը վճռորոշո եղավ խաղի ելքի համար: «Ռեալ»-ը դուրս մնաց հետագա պայքարից` զիջելով 2:1 հաշվով: