Չեխիայի նախագահը պատվաստվել է կորոնավիրուսի դեմ
20:17, 20 Հունվար 2021
ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Չեխիայի նախագահ Միլոշ Զեմանը պատվաստվել է կորոնավիրուսի դեմ: «Արմենպրես»-ի փոխանցմամբ՝ այս մասին հայտնում է ՌԻԱ Նովոստին, հղում անելով նախագահի մամուլի խոսնակ Յիրժի Օվչաչեկի հայտարարությանը:
«Պրահայի Կենտրոնական ռազմական հոսպիտալում երկրի նախագահը պատվաստվել է կորոնավիրուսի դեմ Pfizer/BioNTech պատվաստանյութով»,- հայտնել է մամուլի խոսնակը:
Չեխիայում հաստատվել է կորոնավիրուսի 909 հազար 131 դեպք: Երկրում վարակից առողջացել է 767 հազար 750 հոգի, մահացել՝ 14,820 մարդ:
Բաժանորդագրվեք մեր ալիքին Telegram-ում