Ժամանակը Երևանում՝ 11:07:36,   14 Մայիս

Փոխվարչապետը անդրադարձել է եռակողմ հայտարարության՝ գերիների փոխանակման և ապաշրջափակման կետերի կատարմանը

Փոխվարչապետը անդրադարձել է եռակողմ հայտարարության՝ գերիների փոխանակման 
և ապաշրջափակման կետերի կատարմանը

ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: ՀՀ փոխվարչապետ Մհեր Գրիգորյանը կարծում է, որ սխալ կլինի պնդել, թե Հայաստանի վարչապետի, Ռուսաստանի և Ադրբեջանի նախագահների եռակողմ հայտարարության 9-րդ կետի կատարումը, այսինքն՝ տնտեսական և տրանսպորտային կապերի ապաշրջափակումը չի նպաստելու 8-րդ կետի կատարմանը՝ այսինքն` գերիների վերադարձին: «Արմենպրես»-ի հաղորդմամբ՝ Գրիգորյանն այս մասին ասաց ԱԺ-ում կառավարության անդամների հետ հարցուպատասխանի ժամանակ՝ պատասխանելով ԼՀԿ-ից Անի Սամսոնյանի հարցին:

Սամսոնյանը նշեց, թե եռակողմ հայտարարությունից հետո ՀՀ վարչապետը հետևողականորեն իրագործվել է 9 կետերից 7-ը: «Գործընթացը կանգ է առել 8-րդ և 9-րդ կետերի վրա, որից մեկն այսօր Ադրբեջանի պարտավորությունն է՝ պատերազմի հետո ՀՀ-ին վերադարձնել բոլոր նոր ռազմագերիներին՝ առանց ձգձգումների և շահարկումների: 9-րդ կետը կոմունիկացիաների ապաշրջափակումն է, այսինքն` Ադրբեջանի օրակարգը, որը որքան էլ ներկայացնեք երկկողմանի շահավետության տեսանկյունից, կարծում եմ, որ այդպես չէ»,-ասաց Սամսոնյանը:

Նա հետաքրքրվեց, թե  հունվարի 11-ին Մոսկվայում Ալիևի և Պուտինի հետ հանդիպման արդյունքներով ինչու՞ հայկական կողմին՝ վարչապետի գլխավորությամբ, ռազմագերիների հարցին լուծում տալ:

Փոխվարչապետ Մհեր Գրիգորյանը շեշտեց, որ 8-րդ կետը կատարման ընթացքում է, մասնակի կատարվել է: «9-րդ կետը կատարման սկզբնական փուլում է, և սխալ կլինի պնդել, թե 9-րդ կետի կատարումը չի նպաստելու 8-րդ կետի կատարմանը: Ժամանակը ցույց կտա: Եվ այդ իմաստով, կարծում եմ, որ կապ տալ, հերթականություն տալ, ասել, թե մի կետը կատարվել է, մյուսը չի կատարվել, սխալ պնդում է»,-ասաց Գրիգորյանը:

Հայտարարության 8-րդ կետով սահմանվում է, որ տեղի է ունենում ռազմագերիների, պատանդների և պահվող այլ անձանց ու մահացածների մարմինների փոխանակում: 9-րդ կետով մասնավորապես նշվում է, որ տարածաշրջանում բոլոր տնտեսական և տրանսպորտային կապերն ապաշրջափակվում են:

 

 

 

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ