Արցախի մի շարք բնակավայրերում նախատեսվում են զենք-զինամթերքի վնասազերծման աշխատանքներ
10:29, 19 Հունվար 2021
ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: Մարտակերտի շրջանի Ճանկաթաղ, Մոխրաթաղ և Տոնաշեն համայնքներում, Ասկերանի շրջանի Նորագյուղ, Այգեստան, Խնածախ և Հարավ համայնքներում, Մարտունի քաղաքում և հարակից բնակավայրերում օրվա ընթացքում նախատեսվում են զենք-զինամթերքի վնասազերծման աշխատանքներ:
Ինչպես տեղեկացնում է «Արմենպրես»-ը, այս մասին հայտնում է Արցախի Հանրապետության արտակարգ իրավիճակների պետական ծառայությունը:
Արցախի ԱԻՊԾ-ն խնդրում է պայթյունների ձայներ լսելու դեպքում խուճապի չմատնվել: Լրացուցիչ տեղեկությունների համար քաղաքացիները կարող են զանգահարել ԱԻ ծառայության 911 ահազանգման կենտրոն:
Բաժանորդագրվեք մեր ալիքին Telegram-ում