Բանակում կադրային նոր նշանակումները լինելու են շարունակական. Անդրանիկ Քոչարյան
17:15, 18 Հունվար 2021
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: ՀՀ Զինված ուժերում կառուցվածքային փոփոխություններն ու վերջին շրջանի կադրային նոր նշանակումները լինելու են շարունակական: «Արմենպրես»-ի փոխանցմամբ՝ այս մասին խորհրդարանում լրագրողների հետ զրույցում ասաց Ազգային ժողովի Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:
«Բանակում արդեն մտնում ենք որոշակի փոփոխությունների փուլ: Թե՛ կառուցվածքային, թե՛ կադրային նոր նշանակումներ են լինում, դրանք լինելու են շարունակական»,- ասաց Քոչարյանը:
Հունվարի 11-ին ՀՀ վարչապետ Նիկոլ Փաշինյանի որոշմամբ՝ Պաշտպանության նախարարի տեղակալ է նշանակվել նախկին ոստիկանապետ Արման Սարգսյանը, հունվարի 15-ին նախարարի տեղակալի այլ թափուր տեղում նշանակվել է Սուրեն Սահակյանը:
Բաժանորդագրվեք մեր ալիքին Telegram-ում