ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: ՀՀ բարձր տեխնոլոգիական արդյունաբերության նախարարությունը հայտարարում է Ռուսաստանի Դաշնության մայրաքաղաք Մոսկվայում 2021թ. ապրիլի 13-ից 15֊ը կայանալիք  "ExpoElectronica" 23-րդ  ամենամյա էլեկտրոնային բաղկացուցիչների, մոդուլների և  հավաքածուների ցուցահանդեսի մասին, որում հայկական ոլորտային ընկերությունները հանդես կգան ՛՛ARMENIA՛՛ միասնական տաղավարի ներքո: «Արմենպրես»-ին այս մասին հայտնեցին ՀՀ բարձր տեխնոլոգիական արդյունաբերության նախարարությունից:

«ExpoElectronica-ն հանդիսանում է Ռուսաստանի Դաշնության ամենախոշոր էլեկտրոնային արդյունաբերության ցուցահանդեսը:

Մասնակցության հայտը կարող եք լրացնել հետևյալ հղումով՝ https://ru.surveymonkey.com/r/expo_electronica:
Լրացուցիչ հարցերի համար զանգահարել՝ հեռ․ 010 590160, 010 590162: Հայտադիմումների ներկայացման վերջնաժամկետ՝ 18.02.2021 թ.»,- ասված է հաղորդագրության մեջ: