ԱՄՆ-ում սպասում են, որ մինչեւ փետրվարի կեսերը COVID-19-ից մահացածների թիվը կհասնի կես միլիոնի
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ում մինչեւ փետրվարի կեսերը COVID-19-ից մահացածների թիվը կհասնի 500 հազարի: Այդ մասին, ինչպես տեղեկացնում Է «Արմենպրես»-ը, հայտարարել Է Ռոշել Վալենսկին, որը նշանակվել Է ԱՄՆ-ի հիվանդությունների կանխարգելման եւ հսկողության կենտրոնի (CDC) տնօրեն:
«Մինչեւ փետրվարի կեսերը մենք մինչեւ կես միլիոն մահ ենք սպասում»,-Վալենսկու խոսքը մեջբերում են ամերիկյան ԶԼՄ-ները: Նրա խոսքով՝ ինքը համաձայն Է CDC-ի պաշտոնաթող տնօրեն Ռոբերտ Ռեդֆիլդի հետ այն հարցում, որ COVID-19-ի հետ կապված իրադրությունը վատթարանալու Է:
Նա նշել Է, որ ԱՄՆ-ում կորոնովիրուսից մահվան դեպքերի օրական թիվը հասել Է գրեթե 4 հազարի, իսկ մահերի ընդհանուր թիվը համավարակի ժամանակաշրջանում հասել Է գրեթե 400 հազարի: Վալենսկին հավելել Է, որ ԱՄՆ-ը դեռ չի տեսել «այն բանի հետեւանքները, թե ինչ Է տեղի ունեցել տոնական ուղեւորությունների պատճառով», որոնք, նրա կարծիքով, հանգեցնելու են «հոսպիտալացումների եւ մահերի բարձր մակարդակի»: «Կարծում եմ, որ մենք առջեւում մի քանի «մռայլ» շաբաթ ունենք»,-հավելել Է նա: ԱՄՆ-ում գրանցվել Է COVID-19-ով վարակման 23 մլն 911 հազար 313 դեպք, մահացել Է 397 հազար 401 մարդ, հաղորդել Է «Ինտերֆաքս»-ը:-0-/56/ ԱՄՆ, փետրվարի կեսեր, COVID-19, մահացածներ, թվի աճ, կես միլիոն, տոնական ուղեւորություններ
Բաժանորդագրվեք մեր ալիքին Telegram-ում