«Մեդ Ֆոքս»-ը գերազանցեց «Սուպերսոնիքս»-ին. Բասկետբոլի Ա լիգա
22:10, 13 Հունվար 2021
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: Հայաստանի բասկետբոլի կանոնավոր առաջնության հերթական տուրի կենտրոնական խաղում մրցեցին «Սուպերսոնիքս»-ը և «Մեդ Ֆոքս»-ը:
«Արմենպրես»-ի հաղորդմամբ` մեկնարկային երկու քառորդներում բացարձակ հավասար պայքար էր ծավալվեր` 45:45: Երրորդ և չորրորդ քառորդում «Մեդ Ֆոքս»-ը կարողացավ հաջողության նժարը թեքել իր կողմը և առավելության հասնել 77:100 հաշվով:
Հանդիպման ամենաարդյունավետ բասկետբոլիստ ճանաչվեց «Մեդ Ֆոքս»-ից Մոնտրել Լիթլը, ով վաստակեց 40 միավոր, 10 անգամ տիրեց օղակից անդրադարձող գնդակին և 3 անգամ կատարեց արդյունավետ փոխանցում:
Բաժանորդագրվեք մեր ալիքին Telegram-ում