Ժամանակը Երևանում՝ 11:07:36,   21 Հունվար

Հակակոռուպցիոն կոմիտե ստեղծելու նախագիծն արժանացել է ԱԺ հանձնաժողովի դրական եզրակացությանը

Հակակոռուպցիոն կոմիտե ստեղծելու նախագիծն արժանացել է ԱԺ հանձնաժողովի 
դրական եզրակացությանը

ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: ՀՀ Ազգային ժողովի Պետական-իրավական հարցերի մշտական հանձնաժողովը դրական եզրակացություն է ներկայացրել «Հակակոռուպցիոն կոմիտեի մասին» և կից մի շարք օրենքներում լրացումներ և փոփոխություններ նախատեսող օրենսդրական փաթեթին: «Արմենպրես»-ի փոխանցմամբ՝ ՀՀ արդարադատության նախարար Ռուստամ Բադասյանը նշել է, որ նախագծով առաջարկվում է ստեղծել Հակակոռուպցիոն կոմիտե:

«Կոմիտեի մասնագիտական կազմը համալրվելու է համապատասխան մասնագիտական պատրաստում անցած կադրերով: Հակակոռուպցիոն կոմիտեի կազմում նշանակումները կատարվելու են մրցութային կարգով: Նախագծով Հակակոռուպցիոն ծառայողի պաշտոն կարող է զբաղեցնել այն անձը, որն ունի Հայաստանի Հանրապետությունում բակալավրի կամ դիպլոմավորված մասնագետի բարձրագույն կրթության որակավորման աստիճան, անցել է պարտադիր զինվորական ծառայություն, տիրապետում է հայերենին, ունի անգլերեն, ռուսերեն և ֆրանսերեն լեզուներից առնվազն մեկ` ստանդարտացված թեստային համակարգերով կամ Կառավարության սահմանած կարգով ստուգվող լեզվական գիտելիքների B1 մակարդակի իմացություն և այլն»,- նշել է Բադասյանը:

Օրենսդրական փաթեթը կքննարկվի Ազգային ժողովի լիագումար նիստի օրակարգում:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ