Պատմության հետագծով
ԵՐԵՎԱՆ, 22 ԴԵԿՏԵՄԲԵՐԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: 1790 թ. դեկտեմբերի 22-ին, 1787-1791 թթ. ռուս-թուրքական պատերազմի ընթացքում Ռուսական կայսրության զորքերը Ալեքսանդր Սուվորովի հրամանատարությամբ սկսեցին Իզմայիլ քաղաքի պաշարումը, որտեղ կենտրոնացված էին Օսմանյան կայսրության մեծաքանակ զորքեր։
-1882 թ. դեկտեմբերի 22-ին ծնվել է Արսեն Տերտերյանը՝ հայ գրականագետ, բանասիրական գիտությունների դոկտոր, ՀԽՍՀ ԳԱ ակադեմիկոս, ՀԽՍՀ գիտության վաստակավոր գործիչ, պրոֆեսոր (մահ.՝ 1953 թ.)։
-1894 թ. դեկտեմբերի 22-ին սկսվեց բարձրաստիճան պաշտոն զբաղեցնող ֆրանսիացի սպա Ալֆրեդ Դրեյֆուսի գործը, ով մեղադրվում էր Գերմանական կայսրության համար լրտեսելու մեջ։
-1919 թ. դեկտեմբերի 22-ին ԱՄՆ-ից ԽՍՀՄ ուղարկվեց մոտ 250 մարդ, որոնք կասկածվում էին բոլշեւիկների հետ կապի մեջ։
-1941 թ. դեկտեմբերի 22-ին մահացել է Հակոբ Հովհաննիսյանը՝ հայ կենսաքիմիկոս, քիմիական գիտությունների դոկտոր, պրոֆեսոր, Երեւանի պետական համալսարանի ռեկտոր (ծնվ.՝ 1875 թ.)։
-1972 թ. դեկտեմբերի 22-ին մահացել է Մկրտիչ Արմենը՝ հայ գրող, բանաստեղծ, արձակագիր, թարգմանիչ (ծնվ.՝ 1906 թ.)։
-2001 թ. դեկտեմբերի 22-ին ծնվեց առաջին կլոնավորված ընտանի կենդանին՝ CC անունով կատուն։
Հիշարժան փաստեր
-Շամպայնի շշում ճնշումը կազմում է մոտ 63 կգ/սմ2։ Դա 3 անգամ ավելի շատ է, քան մեքենայի անվադողի մեջ։
-Շամպայնի խցանը բացվելուց հետո 64 կմ/ժ արագություն կարող է ունենալ, դրա համար էլ ըմպելիքը խորհուրդ է տրվում բացելուց առաջ նախապես սրբիչով բերանը փաթաթել։ Այդպես ավելի հեշտ կլինի խցանը պահել եւ խուսափել ավերածություններից։
-Շամպայնի խցանի ամենաերկար թռիչքը 54 մ է եղել։
-Շամպայնը գավաթը լցնելուց անմիջապես հետո չարժե խմել։ Պղպջակները նպաստում են արյան մեջ ալկոհոլի ներթափանցմանը, ինչը հաջորդ առավոտյան գլխացավերի պատճառ կարող է դառնալ։ Շամպայնը պետք է փոքր կումերով խմել, որպեսզի պղպջակները հնարավորինս շուտ լուծվեն։
-Մեր մոլորակի ամենաերկար շամպայնի շշի երկարությունը կազմում է 182 սմ։ Այն թողարկել է «Piper-Heidsieck» ընկերությունը` դերասան, օսկարակիր («Իմ չքնաղ լեդի» ֆիլմի համար, 1965 թ.) Ռեքս Հարրիսոնի պատվին։
- Միջին չափի շամպայնի շշի մեջ մոտավորապես 49 մլն պղպջակ կա։
-Շատ ավտոմրցարշավորդներ տոնում են հաղթանակը` երկրպագուներին եւ մրցակիցներին շամպայնով ջրելով։ Այդ ավանդույթը սկսել է սպորտսմեն Դեն Գարրին։ Նա 1967 թ. երկար սպասված հաղթանակ է տարել «Լե Մանի 24 ժամը» ավտոմարաթոնում։ Կազմակերպիչները նրան շամպայն են նվիրել, իսկ Դենն ուրախությունից շամպայնը բացել է եւ ջրել ներկաներին։
Մ. Ա.
Բաժանորդագրվեք մեր ալիքին Telegram-ում