Ցուցարարները խափանել են մետրոպոլիտենի բնականոն երթևեկությունը
09:42, 11 Դեկտեմբեր 2020
ԵՐԵՎԱՆ, 11 ԴԵԿՏԵՄԲԵՐԻ, ԱՐՄԵՆՊՐԵՍ: Քաղաքացիական անհնազանդության ակցիաների շրջանակում դեկտեմբերի 11-ին ժամը 09:08-ին կաթվածահար է եղել Կարեն Դեմիրճյանի անվան Երևանի մետրոպոլիտենի բնականոն երթևեկությունը։«Արմենպրես»-ի փոխանցմամբ՝ այս մասին հայտնում են մետրոպոլիտենից:
Մետրոպոլիտենի կայարաններում քաղաքացիները իրականացնում են անհնազանդության ակցիա՝ խափանելով մետրոպոլիտենի երթևեկությունը։
Բնականոն աշխատանքին անցնելուն պես՝ կտրվի լրացուցիչ ինֆորմացիա:
Քաղաքացիական անհնազանդության ակցիաների հետևանքով Կարեն Դեմիրճյանի անվան մետրոպոլիտենի երթևեկությունը կաթվածահար էր եղել նաև դեկտեմբերի 8-ին:
Բաժանորդագրվեք մեր ալիքին Telegram-ում