Ժամանակը Երևանում՝ 11:07:36,   20 Հունվար

Հետպատերազմյան շրջանում նկատվում է ապրանքների, ծառայությունների փաստաթղթավորման դրական տեղաշարժ. ՊԵԿ

Հետպատերազմյան շրջանում նկատվում է ապրանքների, ծառայությունների 
փաստաթղթավորման դրական տեղաշարժ. ՊԵԿ

ԵՐԵՎԱՆ, 4 ԴԵԿՏԵՄԲԵՐԻ, ԱՐՄԵՆՊՐԵՍ: Չնայած պատերազմի և կորոնավիրուսի հետևանքով ստեղծված ոչ բնականոն իրավիճակին` Հայաստանում տնտեսվարողները, գիտակցելով տնտեսական կայունության կարևորությունը, շարունակում են բնականոն իրականացնել իրենց գործունեությունը: «Արմենպրես»-ի հաղորդմամբ՝ այս մասին հայտնում է ՀՀ պետական եկամուտների կոմիտեն՝ տեղեկություն տրամադրելով տնտեսվարողների կողմից իրականացվող գործարքների փաստաթղթավորման վերաբերյալ:

«Հետպատերազմյան ժամանակաշրջանում նկատվում է ապրանքների և ծառայությունների ընդհանուր փաստաթղթավորման դրական տեղաշարժ, ինչի մասին վկայում է այն փաստը, որ 2020 թվականի նոյեմբեր ամսվա գործարքների փաստաթղթավորման ծավալը Հայաստանի Հանրապետությունում նախորդ ամսվա համեմատ ավելացել է շուրջ 16.7 մլրդ դրամով կամ 3.2 տոկոսով: Վիճակագրական տվյալները ցույց են տալիս, որ հասարակական կայունության պայմաններում տնտեսական ակտիվության գործընթացներն արագ վերադասավորվում են»,-հայտնում են ՊԵԿ-ից:

Ընդհանրապես, 2020 թվականի նոյեմբեր ամսվա փաստաթղթավորման ցուցանիշները զիջում են միայն սեպտեմբեր ամսին` գերազանցելով մնացած բոլոր ամիսների ցուցանիշները:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ