Սոցիալական հարցերի նախարարության ղեկավար անձնակազմն առաջիկայում պարգևավճար չի ստանալու
ԵՐԵՎԱՆ, 3 ԴԵԿՏԵՄԲԵՐԻ, ԱՐՄԵՆՊՐԵՍ: Աշխատանքի և սոցիալական հարցերի նախարարության ղեկավար անձնակազմը պարգևավճար չի ստացել և առաջիկայում չի ստանալու: Այդ մասին կառավարության նիստից հետո լրագրողների հետ զրույցում նշեց նորանշանակ նախարար Մեսրոպ Առաքելյանը:
«Վստահ եմ՝ կհամաձայնեք, որ մեր նախարարության կրտսեր աշխատակազմի բազմաթիվ աշխատակիցներ ստանում են բավականին ցածր վարձատրություն, և պարգևավճարներն այս պարագայում պետք է դիտարկենք ոչ թե պարգևավճար, այլ վարձատրության որոշակի հատված: Այս մասով, կարծում եմ, որոշակի աշխատակիցների լրացուցիչ վարձատրության անհրաժեշտություն կա: Ինչ վերաբերում է անձամբ ինձ և նախարարության ղեկավար անձնակազմին, ապա իմ նշանակունմից հետո ոչ ես, ոչ ղեկավար անձնակազմը պարգևավճար չի ստացել ու առաջիկայում չի էլ ստանալու»,- «Արմենպրես»-ի փոխանցմամբ, ասաց Առաքելյանը:
Բաժանորդագրվեք մեր ալիքին Telegram-ում