Ժամանակը Երևանում՝ 11:07:36,   25 Հունվար

Սերժ Թանկյանն Արցախի ճանաչումը համարում է արցախահայերի անվտանգ կյանքի միակ երաշխիքը

Սերժ Թանկյանն Արցախի ճանաչումը համարում է արցախահայերի անվտանգ կյանքի 
միակ երաշխիքը

ԵՐԵՎԱՆ, 3 ԴԵԿՏԵՄԲԵՐԻ, ԱՐՄԵՆՊՐԵՍ: Աշխարհահռչակ ռոք երաժիշտ, System of a down խմբի մենակատար Սերժ Թանկյանը, որն Արցախի և Հայաստանի համար ծանր օրերին մշտապես աջակցել է իր հայրենակիցներին, կարծում Է՝ Արցախի Հանրապետության ճանաչումը Արցախի հայերի խաղաղ և անվտանգ կյանքի միակ երաշխիքն է:

«Արմենպրես»-ի հաղորդմամբ՝ երաժիշտն այդ մասին գրառում է կատարել «Ֆեյսբուք»-ի իր պաշտոնական էջում: Ֆրանսիայի «Սենատի կողմից բանաձևի ընդունումն առաջին քայլն էր: Ժամանակն է, որ Ֆրանսիայի ազգային ժողովը նույնպես «այո» ասի»,-ընդգծել է Թանկյանը՝ ևս մեկ անգամ Ֆրանսիային կոչ անելով ճանաչել Արցախի Հանրապետության անկախությունը:

Նոյեմբերի 25-ին Ֆրանսիայի Հանրապետության Սենատն ընդունեց «Լեռնային Ղարաբաղի Հանրապետության ճանաչման անհրաժեշտության մասին» բանաձևի նախագիծը: Սենատի նիստի ընթացքում պատգամավորները կառավարությանը կոչ արեցին գործել, կանգնել հայ ժողովրդի կողքին ու ճանաչել Լեռնային Ղարաբաղի Հանրապետության անկախությունը: Բանաձևը ներկայացրել էին սենատորներ Բրունո Ռետայոն, Պատրիկոի Մաննեն, Էրվե Մարսելը, Ալիան Աղասսին և Գիլյոմ Գոնտարդը:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ